^Subira Hejuru

foto1 foto2 foto3 foto4 foto5
foto5

GUHAMAGARIRA KUGANA INZIRA YA ALLAH

GUHAMAGARIRA KUGANA INZIRA YA ALLAH

HAKUBIYEMO:

  1. Ugutungana kw'idini ya Islam
  2. Ubushishozi mu kuremwa k'umuntu
  3. Ibyo idini ya islamu ikusanyiriza hamwe
  4. Guhamagarira abandi kugana Allah
  5. Itegeko ryo guhamagarira kugana inzira ya Allah
  6. Imisingi y'ubutumwa bw'Intumwa n'abahanuzi

UGUTUNGANA KW'IDINI YA ISLAM

ISLAMU ni idini yuzuye Allah yahitiyemo abantu kugira ngo ibabere umuyoboro, muri islamu harimo umunezero ku isi no ku munsi w'imperuka ,Allah yaremye ibiremwa arangije abishyiriraho na gahunda bigomba kugenderaho bityo bigatuma ugushaka ku Allah kugerwaho ,buri kintu cyose cyagenewe gahunda yacyo idahinduka keretse ku itegeko ry'Allah yo yonyine. Allah aravuga ati:

IYI NI GAHUNDA Y'ALLAH YASHYIZWEHO KUVA KERA ,NTACYAHINDURA IYO GAHUNDA .

Qor'an 48: 23

Izuba , ukwezi , inyenyeri, amanywa,ijoro, umuyaga, imigezi, inyanja, imisozi, ibimera, inyamaswa n'ibindi tutavuze, byose bifite gahunda byashyiriweho n'Allah, itajya ihinduka keretse ku bushake bwayo.

 

NTABWO IZUBA RISHOBORA GUHURA N'UKWEZI MU GIHE KIMWE KANDI IJORO NTIRYAZA MBERE Y'AMANYWA BYOSE BYOGOGA IKIRERE .

Qor'an 36: 40 Umuntu ni ikiremwa mu biremwa bya Allah gikeneye gahunda cyagenderaho mu buzima bwose kugirango abashe kuba yanezerwa mu buzima bw'isi, ndetse no kumunsi w' imperuka ,iyo gahunda rero nta yindi keretse idini Allah yamuhitiyemo akanayimushimira ,ntabwo Allah ashobora indi idini atari iyo yamuhitiyemo.Umunezero we n'umubabaro bijyana n' imyitwarire ye mu idini . Allah ati :

VUGA UKURI GUTURUTSE KWA NYAGASANI WANYU UZASHAKA AZEMERE N'UZASHAKA AZAHAKANE..

Qo'ran 18: 29

Allah ati :

TURAVUGA TUTI MWESE NIMURIVEMO KUGEZA IGIHE MUZAGERWAHO N'UMUYOBORO UGOROROTSE, UZAYOBOKA NTA BWOBA NTA N'AGAHINDA AZAGIRA. NAHO ABAHAKANYE BAKANYOMOZA IBIMENYETSO BYACU ABO NI ABO MU MURIRO ITEKA RYOSE

Qoran 2: 38-39

Allah imaze kurema umuntu yamworohereje ibiri mu birere no mu isi, imuhishurira ibitabo imwoherereza intumwa inamuha impamba ihambaye yamufasha mu bumenyi no gusobanukirwa; amatwi,amaso n'ubwenge imwubahisha mu kugaragira Allah umwe rukumbi atamubangikanyije. Allah ati :

ESE NTIMUBONA KO ALLAH YABOROHEREJE IBIRI MU BIRERE NO MU ISI,MAZE ABAHUNDAGAZAHO , INGABIRE ZE ,IZIGARAGARA N'IZITAGARAGARA

Qor'an 31: 20

Allah ati :

ALLAH YABAVANYE MU NDA Z'ABABYEYI BANYU NTACYO MUZI , ABAHA AMATWI, AMASO N'UMUTIMA KUGIRA NGO MUMUSHIMIRE.

Qor'an 16: 78

Allah ati :

TWOHEREJE KURI BURI MURYANGO INTUMWA KUGIRA NGO IBAHAMAGARIRE KUGARAGIRA ALLAH NO KUTAMUBANGIKANYA

Qor'an 16: 36

INGABIRE IHAMBAYE

Allah yagabiye abagaragu bayo ingabire nyinshi zitabarika, iz'ingenzi muri zo twavuga: Ukuremwa k'umuntu, ubuzima bw'umuntu, umuyoboro utunganye,ariko iyo twitegereje dusanga ingabire iruta izindi zose ari iya islamu, ku bw'iyi ngabire Allah yohereje Intumwa ye Muhammadi ku bantu bose, ikaba ari idini yuzuye kandi ikubiyemo gahunda zose z'ubuzima, ikaba ari n' idini izahoraho.

Islamu ni idini itunganya umubano hagati y'umuntu na Nyagasani we, mu kumugaragira we wenyine, kutamubangikanya, kumushimira, kumwitabaza muri gahunda zose, kumutinya, kumwiringira, kwicisha bugufi imbere Ye, kumukunda, kumwiyegereza, kumusaba inkunga , kwishimirwa nawe, kumusaba uburyo n'inzira za kugeza mu ijuru n'uburyo warokoka uburakari n'ibihano bye.

Ni idini itunganya umubano mwiza hagati y'Intumwa ya Allah n'umuntu ,mu kuyikunda ,kuyu mvira,kuyikurikiza mu byo yarangwaga nabyo, kwemera ibyo yahishuriwe ko ari ukuri no kubishyira mu bikorwa hakurikijwe inzira yigishije. Ni idini itunganya umubano hagati y'umuntu na mugenzi we nk'ababyeyi bombi ,abashakanye ,urubyaro, abafitanye isano, abaturanyi ,umumenyi n'utari we ,umusilamu n'utariwe,umuyobozi n'uyoborwa n'abandi.

Ni idini itunganya imikoranire mu mitungo mu kuyishaka mu buryo buziruwe nk'ubucuruzi n'ubukorikori no kwirinda inzira ziziririjwe nk'ubutiriganya n'izindi nzira ziziririjwe kuzishakamo umutungo.

Islamu itunganya ubuzima bw'abashakanye mu gihe cy'ibyishimo n'akababaro (ubukungu n'ubukene), ubuzima n'uburwayi, umutekano n'ubwoba , mu rugendo cyangwa se batarurimo , guha abana uburere bwiza , gutunganya umuryango no kuwurinda kwangirika. Islamu igena uburyo bwo gukunda kubera Allah no kwanga cyangwa kuzinukwa kubera We , islamu ihamagarira ikanashishikariza kurangwa n'imico myiza nko kugira ubuntu, kwakira neza abakugana, kurangwa n'isoni no kwiyubaha,kuvuga ukuri no kugira neza, ubutabera, impuhwe n'ibindi.

Islamu ibuza ikibi cyose aho kiva kikagera nk'amahugu, kwigomeka, kubangikanya Allah , kwica inzirakarengane ,ubusambanyi ,kubeshya, kwibona ,uburyarya , kwiba, gusebanya,kurya imitungo y'abandi mu mahugu, indonke(Riba),kunywa ibisindisha n'ibiyobyabwenge, kuroga,gukorera ijisho kugira ngo abantu bakurebe n'ibindi.

Nyuma y'ibyo byose ,islamu itunganya ubuzima bw'umuntu ku munsi w'imperuka ,ubwo buzima bukaba bushingiye kubwo yarimo ku isi ,bityo rero uzemera Allah akarangwa n'ibikorwa byiza azinjira mu ijuru ,yishimire kubona Allah imbona nkubone ,maze anezezwe no kubona ibyo amaso atigeze abona ku isi n'amatwi atigeze yumva atanatekerezaga muri we , bakazabamo ubuzira herezo ,naho uzahakana Allah agakora ibikorwa by'ubwangizi, azinjira mu muriro azabamo ubuziraherezo, naho uwemeye Allah ariko akagira ibibi yakoze ntabyicuze ,uwo azahanwa bitewe n'uko ibyaha bye bingana hanyuma ajyanwe mu ijuru cyangwa Allah amubabarire atabanje kumuhana ku bushake bwe.

Allah yaravuze ati :

UYU MUNSI NABUZURIJE IDINI YANYU, MBAHUNDAGAZAHO INGABIRE ZANJYE NABAHITIRAMO IDINI YA ISLAMU KO ARI YO YABABERA INZIRA.

Qor'an 5: 3

Allah ati:

ALLAH YAHAYE ABEMERA INGABIRE MU GIHE YABOHEREREZAGA INTUMWA IBAKOMOTSEMO IKABASOMERA IMIRONGO YA ALLAH, IKABEZA ,IKABIGISHA IGITABO N'UBUSHISHOZI, MBERE Y'AHO BARI MU BUYOBE BUGARAGARA

Qor'an 3: 164

Allah ati :

MWAHAWE URUMURI N'IGITABO KIGARAGAZA UKURI BITURUTSE KWA ALLAH, KIYOBORA INZIRA Y'AMAHORO USHAKA KWISHIMIRWA NA ALLAH , MAZE ALLAH AKABAVANA MU MWIJIMA ABAGANISHA MU RUMURI KU BUBASHA BWE MAZE IKANABAYOBORA INZIRA IGOROROTSE

Qor'an 5: 15-16

Allah ati :

..UZUMVIRA ALLAH N'INTUMWA YE, ALLAH AZAMWINJIZA MU IJURU RITEMBAMO IMIGEZI BAZABAMO UBUZIRAHEREZO ,IYO NIYO NTSINZI IHAMBAYE . NAHO UZIGOMEKA KURI ALLAH AKANARENGERA IMBAGO ZE ALLAH AZAMWINJIZA MU MURIRO AZABAMO ITEKA RYOSE, KANDI ANAFITE IBIHANO BISUZUGUJE

Qor'an 4: 13-14

ISLAM NI IDINI YA ALLAH YATANGIYE ARI NSHYA KANDI IZAHORAHO

  1. Biturutse kuri THAWBAN (Allah amwishimire) yaravuze ati :INTUMWA YA ALLAH YARAVUZE ITI :ALLAH YANDAMBURIYE IYI SI MAZE MBONA IBURASIRAZUBA N'IBURENGERAZUBA ,KANDI UMURYANGO WANJYE UBUTWARE BWAWO BUZAGERA AHO NERETSWE HOSE .. yakiriwe na Muslim
  2. Biturutse kuri Tamim Adariy (Allah amwishimire) yaravuze ati :Numvise Intumwa y'Allah ivuga iti : Iyi dini izamamara mu gihe ijoro n'amanywa bizaba bikiriho..Yakiriwe na Ahmad na Alhakim
  3. Biturutse kuri Abdullah mwene Umar(Allah abishimire) abikomoye ku Intumwa Muhammad(Allah amuhe amahoro n'imigisha) yaravuze iti:: Idini ya Islamu yatangiye ari nshya,kandi isi izarangira ariko ikimeze...yakiriwe na Muslim na Ahmad Maze

    Allah yuadutunganyirije Idini anayuzuzamo ingabire zayo ,aduhitiramo anadushimira Islamu ko yaba idini yacu, uzayakira neza uwo azagira umunezero ku isi yinjire no mu ijuru ku munsi w'imperuka, naho uzirengagiza iyo dini akayitera umugongo uwo azahura n'ibyago ku isi, kandi yinjire no mu muriro ku munsi w'imperuka ,ndetse Allah ntiyakira ibikorwa byawe mu gihe utakurikiye islamu .

Allah yaravuze ati:

uyu munsi mbuzurije idini yanyu..

Qor'an 5:3

Allah ati:

uzakurikira indi inzira(dini ) itari iya Islamu uwo ntazakirirwa ibikorwa bye, kandi no ku munsi w'imperuka akazaba mu banyagihombo ..

Qor'an 3 :85

BITURUTSE KURI ABIHURAYIRAT (ALLAH AMWISHIMIRE)YAVUZE KO INTUMWA MUHAMADI YAVUZE ITI: NDAHIYE K' UFITE ROHO YA MUHAMMAD MU KUBOKO KWE NTA NUMWE MU BANTU UZABA URIHO MU GIHE CYANJYE YABA ARI UMUYAHUDI CYANGWA UMUKIRISTO UZUMVA UBUTUMWA NAHISHURIWE AGAPFA ATABWEMEYE URETSE KO AZABA ARI MU BANTU BO MU MURIRO.Yakiriwe na Muslim

UBUGENGE N'UBUSHISHOZI MU KUREMWA K'UMUNTU .

Kuba Allah yararemye isi ni ikimenyetso kigaragaza ko Allah afite ubushobozi n'ubumenyi bwuzuye kandi buri kintu cyose mu isi no mu kirere gisingiza Allah .Allah aravuga ati:

ALLAH WE WAREMYE IBIRERE BIRINDWI N'ISI NKABYO, ITEGEKO RYA ALLAH AMANUKA HAGATI YABYO KUGIRA NGO MU MENYE KO ALLAH ASHOBOYE BYOSE KANDI KO ALLAH AFITE UBUMENYI KURI BURI KINTU CYOSE

Qor'an 65:12

Allah yaremye amajini n'abantu kugira ngo bayigaragire yo yonyine bitayibangikanyije n'icyo aricyo cyose Allah ati :

NTAKINDI NAREMEYE AMAJINI N'ABANTU USIBYE KUNGARAGIRA NTABWO MBAKENEYEHO AMAFUNGURO NTA NUBWO NSHAKA KO BANGABURIRA

Qor'an 51: 56-57

IBYICIRO UMUNTU ACAMO KUGIRANGO ABEHO

Allah yaremye umuntu arangije amushyiriraho inzira, ibyiciro, ibihe, ahantu n'uburyo acamo, bikarangirana na kimwe mu bintu bibiri aribyo kujya mu ijuru cyangwa se mu muriro.

IBYO BYICIRO NI IBI BIKURIKIRA

ICYICIRO CYA MBERE
Akiri munda y'umubyeyi we : iki nicyo cyiciro cya mbere umuntu acamo, ni naho hambere abanza gutura mu gihe cy'amezi icyenda gishobora kurenga cyangwa se kugabanuka ,muri icyi kiciro Allah amutegurira amafunguro akeneye ikanamutuza ahamukwiye hatekanye. Ibi biri mubushobozi bwa Allah n'ubumenyi bwe bwuzuye, icyo twamenya ni uko icyi cyiciro ntabwo umuntu abazwa icyo yakozemo kuko aba ataratangira kubarurirwa no kubazwa. Impamvu nyamukuru iri aha : ni Ukuzurizwa bimwe mu bice n'ingingo by'umubiri biba bitaruzura. Kumushyiramo roho maze nyuma yaho akagera ku isi amaze kuzura neza mu buryo bugaragara ku mubiri n'ubutagaragara nka roho

ICYICIRO CYA KABIRI
Ageze ku isi : Ni inzu yagutse kandi igihe cyo kuyituraho ni kirekire kuruta igihe umuntu amara munda ya nyina Allah akaba yarateguriye buri wese muri ubu buzima bwo ku isi ibyo azakenera byose maze amuha ubwenge, amatwi yo kumvisha, hamwe n'amaso yo kurebesha, arangije amwoherereza Intumwa ,imuhanurira ibitabo bimuyobora, imutegeka kumvira Allah imubuza kumukosereza maze imusezeranya ko naramuka yumviye Allah azagororerwa ijuru ,kandi isezeranya uzigomeka agakora ibyaha ko azinjira mu muriro utazima. Impamvu zo kubaho k'umuntu muri iki cyiciro ni ebyiri : Kwemera Allah by'ukuri kandi byuzuye Gukora ibikorwa byiza bimushimisha byo mpamvu yo kwinjira mu ijuru, maze umuntu akava muri icyo cyiciro cy'ubuzima ajya mu kindi gikurikira.

ICYICIRO CYA GATATU :
Ubuzima bwo mu mva : Niho hantu ha mbere buri wese anyura mbere y'ubuzima bwo kuzuka, iyo umuntu apfuye aguma mu mva ye kugeza igihe n'ibindi biremwa byose bizagerwaho n'urupfu, maze igihe cy'ibarura kigatangira. Iyo ushishoje neza usanga ubwo buzima ari burebure kuruta ubw'isi, akababaro n'ibyishimo by'ubwo buzima biruta ibyo ku isi bitewe n'ibikorwa bya buri wese, imva ishobora kuba ubusitani mu busitani bwo mu ijuru cyangwa se bikaba urwobo mu byobo byo mu muriro,mu mva niho hatangirira ibihembo cyangwa ibihano maze umuntu akavanwamo yinjizwa aho azaba ubuziraherezo yaba ari mu ijuru cyangwa se mu muriro.

ICYICIRO CYA KANE :
Ubuzima bwo ku munsi w'imperuka : ni umunsi w'imibereho itagira iherezo ,n'umunsi w'ibyishimo ku bemeramana bazahabwa ibyo bifuza, bityo uzatunganya akanashyira mu bikorwa ibyo Allah akunda mu kwemera,gukora ibyiza no kurangwa n'imico iboneye , uwo Allah nawe ku munsi w'imperuka azamugororera ibyo akunda kandi yishimiye mu byo amaso ye atigeze abona hano ku isi n'amatwi ye atigeze yumva n'ibyo atatekerezaga. Ariko mu gihe atazizera ngo yemere Allah ntanarangwe n'ibikorwa byiza, uwo azahanishwa umuriro azabamo iteka ryose.

UKUZURA KW'INGABIRE Z'UMUTIMA

Allah yaremye umuntu mu ishusho nziza kandi atunganya ingingo n'ibice bigize umubiri we arabyuzuza, arangije amurutisha ibindi biremwa .

  • Gutungana kw'amaso ni ukureba
  • Gutungana kw'amatwi ni ukumva
  • Gutungana kw' ururimi ni ukuvuga
  • Mu gihe rero bimwe muri ibi bice by'umubiri bituzuye, haboneka ububabare n'agahinda k'utabifite cyangwa se utabyujuje.

Bityo Allah yagize kumumenya no kumusobanukirwa impamvu zo kuzura no gutungana k' umutima, ibyishimo byawo, uburyohe bwawo, gutuza kwawo , kumukunda, kumuganiriza , kumugirira ubwuzu ,no gukora ibimushimishije. Mu gihe rero umutima ubuze ibyo byose uhura n'ingorane n'ibihano ku maso yabuze urumuri, amatwi yabuze ukumva. Umutima utunganye ,ushishoza umenya ukuri nk'uko amaso abona izuba.

ISI N'UMUNSI W'IMPERUKA

Buri kintu cyose Allah yagishyiriyeho umutako wacyo n' intego, iyo witegereje usanga ibimera nabyo bifite umutako wabyo, ariwo amashami n'indabo bituma ibyo bimera bigaragara neza,ariko ikigamijwe muri ibi byose ni imbuto zera kuri bya bimera. Iyo witegereje na none usanga imyambaro ifite imitako, ariko ikigamijwe ku myambaro ni uguhisha ubwambure, bityo rero n'isi ifite imitako kandi n'ibiyiriho byose ni umutako, ariko ikigamijwe ni ukwemera Allah umwe rukumbi no gukora ibikorwa byiza. Isi ni umutako ariko intego ni ugutegura ubuzima bwo ku munsi w'imperuka, kandi uwo ariwe wese wakwibagirwa intego n'ikigamijwe atwarwa n'imitako,niyo mpamvu Intumwa za Allah n' abazemeye bakanazikurikiza bibandaga cyane bakanashishikazwa no kugera ku ntego ,ariko iyo urebye abandi batuye isi, usanga bashyira imbere cyane imitako y'isi,ibibarangaza n'ibishuko byayo,nyamara Allah yadutegetse gushaka gusa ibyo dukenera kuri iyi isi tutarengereye imbago ze tukanakora twitegurira ubuzima bwa nyuma hakurikijwe ubushobozi dufite.

Mu gihe rero duhuriweho n'imitako hamwe n'intego ariyo kugaragira Allah no kwirinda, kumubangikanya ,kumwumvira no kumvira Intumwa Ye, guharanira inzira Ye, gusakaza idini ye no gukora ibyo Allah Akunze, icyo gihe dusabwa gushyira imbere ibyo Allah akunze aribyo kumugaragira wenyine ntacyo tumubangikanya nawe.

Allah yaravuze ati :

IBIRI KU ISI TWABIGIZE UMUTAKO WAYO, KUGIRANGO TUBAGERAGEZE TUREBE ABARUSHA ABANDI IBIKORWA BYIZA

Qor'an 18 : 7 Na none Allah ati :

MUMENYEKO UBUZIMA BW'ISI ARI IBISHUKO N'IBIRANGAZA, N' IMITAKO NO KWIRATA MURUSHANWA MU KUGWIZA IMITUNGO N'URUBYARO..

Qor'an 57 :20-21

Allah ati :

VUGA UTI : NIBA ABABYEYI BANYU, URUBYARO RWANYU, ABAVANDIMWE BANYU,ABO MWASHAKANYE , IMIRYANGO YANYU,IMITUNGO YANYU MWASHATSE, IBICURUZWA MUTINYA KO BIHOMBA N'AMAZU MWISHIMIYE, NIBA IBYO BYOSE MUBIKUNZE CYANE KURUTA ALLAH, N'INTUMWA YE NO GUHARANIRA INZIRA YA ALLAH,NIMWITEGURE INGARUKA Z'ISEZERANO RYA ALLAH(IGIHANO) KUKO ALLAH NTAYOBORA INKOZI Z'IBIBI

Qor'an 9 :24

AGACIRO K'ISI UKAGERERANYIJE N'UBUZIMA BW'IMPERUKA

Allah n'Intumwa Ye bagaragaza agaciro k'isi ukagereranyije n' ak' ubuzima bw'imperuka.

  1. AGACIRO K'ISI UBWAYO :
    Allah yaravuze ati :
    UBU BUZIMA BWO KU ISI NTACYO BURICYO USIBYE IBISHUKO N'IBIRANGAZA,AHUBWO UBUZIMA BWO MU IJURU NI BWO BUZIMA BWIZA BUHORAHO, IYO BAZA KUBIMENYA .
    Qor ‘an 29 :64
  2. AGACIRO K'ISI KU BIJYANYE N' IGIHE IZAMARA :
    Allah aravuga ati :
    YEMWE ABEMEYE ! NI KUKI IYO MUBWIWE KUJYA GUHARANIRA INZIRA YA ALLAH MWIREMEREZA KU ISI ? ESE MWANYUZWE N'UBUZIMA BW'ISI KURUTA UBW'UMUNSI WA NYUMA ?MUMENYEKO IMITAKO Y'UBUZIMA BW'ISI ARI IY'IGIHE GITO UGERERANYIJE N' IY'UMUNSI WA NYUMA .
    Qor'an 9 :38
  3. AGACIRO K'ISI KU MUNZANI : Intumwa yabitugaragarije mu mvugo ye aho agira ati : IYO ISI IZA KUGIRA UBUREMERE NK'UBW'IBABA RY'UMUBU,NTABWO UMUHAKANYI NTABWO YARI GUHABWA INTAMA Y'AMAZI .Yakiriwe na Tirmidhiy

    Agaciro k'isi ukagereranyije n'ibipimo bifatika: Intumwa Muhamadi( Allah amuhe amahoro n'imigisha) yaravuze ati : NDAHIYE KU IZINA RYA ALLAH, KO NTACYO ISI INGANA NACYO UYIGERERANYIJE N'UBUZIMA BW'IMPERUKA URETSE NK'AMAZI AZAMUKA KU RUTOKI WAKOJEJE MU NYANJA MUZAREBE UKO ANGANA ? .Yakiriwe na Muslim

  4. Agaciro k'isi ukagereranyije n'ubuso bw'ahantu .
    Intumwa Muhamadi (Allah amuhe amahoro n'imigisha) yaravuze iti : UMWANYA W'AHO WARAMBIKA INKONI MU IJURU,HARUTA ISI N'IBIYIRIMO .Yakiriwe na Bukhari
  5. Agaciro k'isi ukagereranyije n'umutungo

INTUMWA MUHAMAD (Allah amuhe amahoro n'imigisha) YANYUZE KU NTUMBI Y'IHENE IFITE INENGE Y'UGUTWI GUTO, MAZE IFATA UKO GUTWI IRABAZA ITI : ESE NI NDE WAYIGURA KU IDIRIHAMU RIMWE GUSA ? BARASUBIZA BATI : NTACYO YATUMARIRA NTA N'ICYO TWAYIKORESHA . INTUMWA ITI : MURIFUZA KO YABA IYANYU ?BARAVUGA BATI : TURAHIYE KO N'IYO IZA KUBA NZIMA TUTAYITWARA KUKO YARI KUBA IGIFITE INENGE YO KUGIRA UGUTWI GUTO, ESE TWAYIFATA KANDI ARI INTUMBI ?INTUMWA ITI :NDAHIYE KU IZINA RYA ALLAH KO ISI ISUZUGURITSE IMBERE YA ALLAH KURUSHA UKO IYI NTUMBI ISUZUGURITSE KURI MWE . Yakiriwe na Muslim